10- Kaan Dhacdo oo aan kasoo kala xigtay Website yo badan, xaqiijin
dheeraad ahna aan ku sameeyay, waa 10ka dhacdo ee ugu yaabka badan ee
Internetka kadhaca Qaasatan Facebook, waxayna noqneed Dhacdooyin
macruuf ka ah Internetka. isku waqti ma aysan dhicin laakiin waxa ay
Noqdeen '' 10 Unbelievable Facebook Stories '' Tobanka Sheeko ee
Facebook ee la aamini waayay, waana wax xaqiiq ah - Kabogasho Wacan
1- ( Naag aragtay Sawirkeeda oo kudhagsan Meel Boor ah ama Tabeele
Ganacsi ah )
-
Cid Amerikan ah oo Gobolka Missouri kasoo jeeda oo sawirkooda ku
arkeen wadanka Czech Republic, Danielle Smith oo 36 sano jir degan St.
Louis suburb of O'Fallon, ayaa waxay dhahday, waxaan Galnay sawir
aniga iyo ninkeyga iyo labo caruurteyda si aan u sameyno Christmas
card, ama sawir ay ugu talo galeen dabaal dega Sanadka cusub, kadibna
share gareeyay Blog iyo Qaar kamid ah Websiteyada Socialka si aan
asxaabta ula wadaago farxadas'' Mudo Kadib Midkamid ah asxaabtii
Kuleejka ay isla dhigan jireen oo baabuur ku dhex wata Magaalada
Prague ayaa waxa uu arkay Sawirka Danielle Smith iyo cideeda ayagoo
dhoola cadeynaya oo ku dhegan Dariishad Bakhaar Cunooyinka Yurub lagu
iibiyo iyo Khudaarta, kadibna dariishadii ayuu sawiray, waxa uuna
sawirkii udiray Danielle, Danielle waxay dhahday, waa sawirkeygii
Christmas Cardka naftirkiisa oo ku dhagan Baqaar qudaar oo kuyaala
Prague'', Mario Bertuccio oo iska leh Bakhaarkaas Grazie store, ayaa
waxa uu sheegay in Sawirka uu internetka kadhex helay, laakiinse uusan
umaleyneenin cid caadi ah kadibna waxa uu bilaabay inuu sawirka meesha
katiro, Naagta sawirkaan iska leh ayaa sheekadaan markii ay soo qortay
waxaa isla markiiba aqristay 180,000 qof, waxayna sheegtay hada kadib,
hadii internetka ay sawir soo galineeso, in ay kadhigeeso kuwa yar yar
ama sawirka wax biyo biyo camal ah ay kufureyso.
2- ( Nin Aroos ahaa oo Facebookga aanan hilmaamin xataa xiligii uu
arooskiisa Kaniisada kadhacaayay)
Dana Hanna ayaa kacodsaday odeygii baadariga ahaa markuu
arooska dhameeyay in asiga iyo gabadha uu guursaday ay facebookgooda
iyo Twitterkooda ay ku qortaan Married awal hore meesha ay oga qorneed
Single, isla markiina labadii is arooseesay telfoono ayay lasoo
baxeen, oo waxay change gareeyeen ama badaleen Xaaladooda guur ee
facebook iyo twitter waxayna kuqorteen Married .
3- Naagtii ugu horeysay ee Facebook laga kor furo
Emma Brady ayaa waxay sheegtay in Guurkeeda 6da Sano soo jiray uu
dhamaaday, kadib markii ninkeeda Facebook uu kusoo Post gareeyay inuu
dhamaaday guurkii ka dhaxeeyay asiga iyo Xaaskiisa, Emma ayaa arinkaan
waxay ogaatay kadib markii ay soo wacday saaxibteed qaali ah oo
Denmark Joogtay si ay udejiso arinkaan naxdinta badan ee saaxiibteed
kudhacay darteed, ayadoo weydiineeso in xaaladeeda ay fiicantahay iyo
inkale , emma markii ay facebook gashay oo wax walba ay aragtay aad
ayay ola yaabtay, ayadoo dhaheysa (wax walba aniga iyo ninkeyga Neil
Brady naga dhexeeya way fiicnaayeen Lkn ma ogi furitaankan waxa uu
kukeenay )
4- Post ama hadal uu kuqoray Facebook ayuu oga badbaaday Xabsiga
Rodney Bradford 19 Sano Jir oo Degan Farragut Houses, ma uusan
fileynin in hadalka uu ku qoray facebook dartiis uu xabsiga oga soo
bixi doono Hadalka uu kuqoray waxa uu ahaa ''aaway Quraacdeyda??'', -
Hadalkaas Maalinta uu kuqoray Facebookgiisa maalintii kuxigtay ayaa
laxiray oo xabsi lageeyay asigoo lagu eedeenaayo in uu wax xaday,
Laakiin Abukaatihiisa ayaa cadeeyay in xiliga wax xaditaanka ee Rodney
lagu nabaayo in xiligaas uu joogay gurigiisa uuna kujiray facebook. -
Sidaas darteed ayuu wiilkaas xabsiga oga badbaaday.
5- Nin Qaraabadiisa 22 Sano Kadib Facebook Korkiisa Karaadiyay.
March 17, 1987, Ninkaan Talyaaniga ah ee Alex Anfoso waxaa
afduubtay aabihiis asigoo jiray 5 Sano, kadibna waxaa loo soo kaxeeyay
magaalada Qaahira ee Wadanka Masar, halkaas uu asiga iyo aabihiis ay
kuwada noolaayeen, xiliga lasoo afduubay wiilkaas Hooyadiisa Silvana
Anfuso waxay kujirtay Jeelka Rebibbia ee kuyaala Magaalada Rome,
ayadoo loo heestay Danbiyo laxariira Daroogo iyo Mukhaadaraadka, Alex
Markii lageeyay qaahira timaha si kale ayaa loogu jiray, oo labis nooc
kalena wa loogaliyay, afka carabigana wuu bartay, waxaana soo korisay
Duq uu ugu yeeraayay ayeeyo, Alex oo hada 28 Sano jir ma uusan heysan
Dhalasho Masaari ah, iyo xataa Deganaasho, kadibna waxa uu bilaabay
inuu raadiyo dad qaraabadiisa ah oo magaca Anfoso lawata, waxa uu
warqado u diray dad badan, dadkaas waxaa kamid ahaa Pino Anfuso oo ah
Farsama yaqaan kashaqeeya Qeyb kamid ah Kanaalka RIA oo kutaalay
Koonfurta Magaalada Reggio Calabria, inkastoo Pino uusan kamid eheen
Qaraabada Alex, laakiin waxa uu go'aansaday Sheekada wiilkaan in uu
kasoo daayo barnaamij Show T.V ah, oo magaciisa ladhaho ''Chi l'ha
visto'' oo micnaheedu yahay ''Yaa arkay ayaga'', kadibna sidaas ayuu
Alex Sheekadiisa Hawada ugu soo gudbiyay, waxa uu gadaal ka ogaaday in
hooyadiis ay dhimatay ayadoo aanan arkin.
6- Nin Dhalinyaro ah oo Dadka kayaabsaday laakiin
asigana ay kayaabsadeen.
Nin dhalinyaro yar ah oo u dhashay wadanka Ecuador ayaa waxa uu
sameeyay Facebook Group Magaciisa yahay, ¨ If I get 1.000.000, I ,
José Romero, will tattoo the 151 Pokemon on my back " oo micnaheedu
yahay, ''Aniga Jose Romero ahaan, hadii aan helo Hal Milyan qof,
waxaan dhabarkeyga Shabad ahaan cml ugu sawiraa 151 Pokemon'' Pokemon
waa Cartoon caan ah oo ladaawaado, kadib wiilkaas markii uu sameeyay
Pageka ma uusan filaneenin waxa dhici doono, 24 Saac Gudahooda Groupka
waxaa soo galay, 50,000 (Konton kun) qof oo aduunka daafihiisa ka
imaaday, Ninkaan markii uu arkay dadkaas dhan oo Groupka soo galeen,
waxa uu qariyay Profilekiisa si aysan dadka u aqoonsanin, ama qof dhan
uusan u fahmin, isla markiina dadkii Groupka kujiray markii ay waayeen
ninka sameeyay Groupka way xanaaqeen waxayna Sameeyeen, Group kale oo
lagu raadinaayo Khaa'inka sidaas sameeyay, groupkaas danbe ee ninkaas
lagu raadinaayo waxaa soo galay 600,000 (Lix Boqol Kun) qof.
7- Naag Laga jaray Lacagihii Macaashka ay ku heli jirtay
facebook dartiis
Nathalie Blanchard oo kasoo Jeeda Quebec, ayaa waxaa laga joojiyay
lacago lasiin jiray, kadib Sawiro ay soo galisay Facebook. Naagtaan
ayaa waxa ay u shaqeyn jirtay Shirkada IBM qeybteeda Bromont, waxay
sheegtay in ay xanuunsantahay waxaana lasiiyay fasax, mudo bilo ahna
lacagteeda way usocotay, waxayna qaadaneesay lacagtii leave
benefitska, si walba ha ahaatee waxaa la arkay sawiro ay facebook soo
galisay oo cadeynaya in ay Naagtaan fiicantahay Noloshana ku
raaxeysaneeso, Sawirada waxaa kamid ah, kuwa ay xeebta joogto, iyo
sawiro xaflada dhalashadeeda ayadoo baashaaleyso, sidaa darteed ayaa
waxaa la ogaday in naagtaan aysan xanuunsaneen oo ay fiicantahay,
waana laga joojiyay lacagihii ay qaadan jirtay, Nathalie ayaa waxay
sheegtay sawiradaan in aysan cadeyn u eheen xaalada ay kujirto,
laakiinse ay yihiin sawiro iska caadi ah, Laakiinse Shirkada arinkaas
ma aysan dhageesanin oo toos ayaa looga jaray Lacagtii ay qaadan
jirtay
8- Nin iyo Naag isku Magac ah oo Faraanti galiskooda dhacay.
Kelly Hildebrandt oo reer Texas ah, ama kasoo jeeda gobolka
Texas iyo Kelly Hildebrandt oo ayadana kasoo jeeda Gobolka Florida
ayaa Faraanti Galiskooda ama meherkooda dhacay, Gabadha Lagu magacaabo
Kelly Hildebrandt ayaa waxay dhahday Facebook ayaan waxaan ka Search
gareeyay ama kabaraayay qof isku magac aan nahay, marka waxaan arkay
Wiilkaan aan isku magaca nahay, markaas sawirka u saarnaa ayaan
fiiriyay shaati ma uusan wadanin, waan kahelay runtii, kadibna waan is
baranay Sideed Bil oo jaceyl ah kadibna Faraanti galiskeena ayaa
dhacay, sidaas ayay dhahday.
9- Nin Dhalinyaro ah oo Sariir Hoosteeda ku qarsanaa
Labo Maalmood
Naag aad unaxsan ayaa waxay uyeertay booliska kadib markii ay
ku aragtay Sariirta gabadheeda 13 jirka ah hoosteeda, nin dhalinyaro
ah oo 19 sano jir ah, Gabadha yariista ayaa waxay sheegtay in Ninkaan
ay Facebook iska barteen kadibna Guriga ay sidaas u keentay, asigana
uu u galmooday ama u tagay ayada, Ninkaan ayaa hada maxkamada lasaaray
waxaana lafilaa in lagu qaado danbi ah, Galmada Caruurta
10 - Naag Facebook ka dhex ogaatay in Ninka ay guursan
rabtay uu qiyaano kuwaday.
Gabar Magaalada Rome ee Wadanka Talyaaniga u dhalatay ayaa waxay
Facebook ku aragtay Sawir ninka guursan rabay oo naag kale lasawiran,
aad ayay u xanaaqday, arooskii ayay kansal gareysay kadibna Magaalada
dhan ayay ku dhajisay warqad Sawir kamuuqda iyo qoraal waxayna ku kor qortay Qoraal sidaan ah ''Ilaahaa Mahadleh, Meeshaan Facebook ayaa jiro, Ugu yaraan waxaan
ogaaday inaad tahay Khaa'in Khinsiir ah aniga waad iqaani rabtay iyo
548 marti ee arooskeena imaan lahaa''
Fiiro Gaar ah: ( Sawirka meeshaan kamuuqda ay Naagta isticmaashay
maahan sawirka ninka, waa sawir ay ku dacaayadeeneeso, waa sawirka
actorka Corrado Fortuna kaliya dacaayada si ay usii kululeeso ayay
usoo qaadatay sawirka oo ah nin naag labadeeda naas madaxa kula jiro)
Dhamaad
BAARGAAL.NET
