Ilo wareedyo lagu kalsoon yahay ayaa sheegaya reer miyi hubaysan inay galinkii dambe ee maanta weerareen saldhig ay ku sugnaayeen dagaalyahano ka tirsan Ururka Daacish oo ku yaala deegaan lagu magacaabo Urur oo u dhaw Degmada Qandala ee Gobolka Bari.
Khasaaraha ka dhashay dagaalkan ayaa sheegaya inay ku dhinteen 5 ka tirsan Ururka Daacish, halka gacanta lagu dhigay 6 ka tirsan Ururka Daacish.
Dhinaca kale khasaaraha kasoo gaarey dagaalka dadka shacabka ayaa lagu sheegay dhimashada 2 qof iyo dhaawaca 5 kale, Waxaana ku gacan sareeyay iska hor,imaadka reer miyiga hubaysan oo maanta galinkii dambe kooxo ka tirsan Daacish kula dirirey deegaan magaciisa la yiraahdo Urur.
Shacabka ku nool deegaano ka tirsan Gobolka Bari ayaa sida la sheegay maalmihii u dambeeyay waday abaabulo ka dhan ah kooxaha xagjiriinta ee ku dhuumalaysta saldhigyo ku yaala deegaano ka tirsan Gobolka Bari.
XISGASHO : PUNTLANDPOST
