Waxaa haatan lasoo gaba gabeeyey wareega koowaad ee doorashada gudoonka Baarlamaanka Puntland oo ay kuwada loolamayeen saddex musharax, waxaana gudidu xiligani ay ku dhawaaqeen tirada codadka ay kala haleen musharaxiinta kuwada tartamaya xilkaasi.
Abwaan C/rashiid Yuusuf Jibriil oo kamid ah musharaxiinta u taagan qabashada xilka gudoonka Baarlamaanka ayaa helay wareega koowaad codad dhan 34 cod, Cali Dhahar oo isna kamid ah musharaxiinta loolanka adag kula jira Abwaan Jibriil ayaa isna helay 12 cod halka Cabdi Jamaal Cismaan Maxamed oo isna ah musharax saddexaad uu helay 17 cod.
Gudida doorashada gudoonka Baarlamaanka ayaa si rasmi ah xiligani u guda gali doona wareega labaad oo ay iskugu soo hadheen Abwaan Jibriil iyo Cabdi Jamaal Cismaan oo kamid ah labada musharax ee isku heli doona wareega labaad oo goor dhow la guda gali doono.
