Waxaa haatan lasoo gaba gabeeyey wareega labaad ee doorashada gudoonka Baarlamaanka Puntland oo ay kuwada loolamayeen labada musharax ee kala ah Abwaan C/rashiid Yuusuf Jibriil iyo Cabdi Jamaaal Cismaan Maxamed, waxaana gudidu haatan ay ku dhawaaqeen tirada codadka ay kala haleen musharaxiinta kuwada loolamaya xilkaasi.
Abwaan C/rashiid Yuusuf Jibriil oo kamid ah musharaxiinta u taagan qabashada jagada gudoomiyaha Baarlamaanka ayaa helay wareega koowaad codad dhan 46 cod halka Cabdi Jamaal Cismaan Maxamed oo isna ah musharax labaad ee ay isku soo hadheen Abwaan Jibriil wareega labaad ayaa isna helay 17 cod.
Gudimiye ku xigeenka koowaad ee Baarlamaanka ayaa si rasmi ah ugu dhawaaqay in lasoo gaba gabeeyey tirada codadka ay kala haleen labada musharax ee kala ah Abwaan Jibriil iyo Cabdi Jamaal oo ah labada musharax ee iskugu hadhay wareega labaad ee doorashada gudoomiyaha Baarlamaanka, waxaana tirada codadka ugu badan helay Abwaan Jibriil oo ku guulaystay codad dhan 46 cod isagoona sidaasi ku noqday gudoomiyaha Baarlamaanka Puntland.
