Taliyaha ciidamada ilaalada xeebaha Gobolka Hadramout korneel Salem Cawad Al-Nimri, Ayaa maanta xafiiskiisa , Ku yaal Mukalla kula kulmay Gudoomiyaha guddiga kalluumeysiga ee badda carabta, Eng. Yaslam Bablghoum, iyo wakiilo ka kala socda laamaha amaanka iyo caafimaadka gobolada xeebaha, si ay uga wada hadlaan farsamooyinka ay ugu Soo xiranaayaan ama uga baxaayaan Doonyaha biyaha Soomaaliya ka yimaada.
Qabashada kulankan ayaa ku soo beegmaya Soo jeedinta Barasaabka Hadhramaut, Gaashaanle Sare Faraj Salmin Al-Baxsani, Oo ka jawaabaayo farriinta ay u soo gudbisay Wakaaladda Kalluumaysiga ee Badda Carbeed oo la xiriirtay kalluun yaraan meelaha laga dejiyo kalluunka iyo qiimahooda oo Sarakac ku yimi
Kulankan ayaa looga wada hadlay habka lagu dajin lahaa doonyo iyada oo la qaadayo talaabooyin taxaddar ah oo feejignaan ah oo lagula dagaallamayo caabuqa Corona SI looga ilaaliyo caabuqa shaqaalaha xarumaha dajinta kaluunka iyo ciidamada ilaalada xeebaha iyo bulshada kalluumeysatada.
Intii kulanku socday, waxaan dib u eegis lagu sameeyay dhamaan talaabooyinka taxadarka ah ee ay tahay in la qaado haddii ay dhacdo in xarumaha soo caga-dhigashada ay Soo gaaraan Doonyo.
Kulanku wuxuu oggolaaday soo-jeedinta ay soo gudbiyeen mas'uuliyiinta ee ku saabsan soo xirashada iyo tegitaanka doonyaha biyaha ay wadaagaan yaman iyo Soomaaliya in loo lagudbiyo Guddiga Sare ee Degdegga ah ee ka hortaga Corona Virus ee Hadramout iyadoo Oo oggolaanasho ama diidmo laga siinaayo, sida ku xusan Sharci gaar ah oo lagu qaado tallaabooyinka lagama maarmaanka ah.
