Shirkaan oo ahaa mid aad xasaasi u ah waxaa looga arrinsanayey xaaladda guud ee gobolka shaqooyinka ay Puntland ka waddo, bilicda magaalada Boosaaso iyo dhismaha garoonka kubadda cagta magaalada Boosaaso.
Mudadii kulanku socdey waxaa kaloo laysla soo qaaday xaaladda dekedda magaalada Boosaaso kadib cabasho katimid shacabka iyo u diyaar garawga martigelinta doorashada xildhibaanada golaha shacabka Soomaaliya.
Arrimaha kale ee looga hadlay shirka waxaa kamid ahaa ammaanka ee gobolka Bari, caafimaadka, horumarinta waxbarashada, Dhismaha golayaasha deegaanka iyo arrimo kale
Guddoomiyaha gobolka Bari Cabdisamad Abwaan oo goobta ka hadlay ayaa sheegay in shaqo wanaagsan ay ka socoto gobolka loona baahan yahay in la dardargeliyo shaqooyinka dhiman oo horumarinta garoonku kamid tahay.
