Inta la xaqiijiyay dowladda waxa ka dhintay hal askari waxaana ka dhaawacmay lix kale.
Ciidanka ku sugan xarunta PSF waxa inta la xaqiijiyay ka dhaawacmay 8 askari.
Shacabka waxa la xaqiijiyay hal qof oo maydkiisa la geeyay isbitaalka iyo dhaawaca 7 ruux oo kale.
Dhinaca kale Madaxweynaha Puntland Siciid Cabdullaahi Deni oo maalmihii u dambeeyay Baydhaba joogay ayaa lagu wadaa in uu Galabta dib ugu laabto caasimadda Garoowe.
Lama oga in Madaxweynuhu ka hadli doono dagaalka Boosaaso iyo in kale.
