Markab weyn oo kuwa xamuulka ah ayaa ku gubtay bartamaha badweynta Atlaantigga, iyadoo kooxaha gurmadka ay ku guulaysteen inay soo daad gureeyaan shaqaalihii markabka, baabuur qaali ah oo saarnaa ayaa waxaa qabsaday dab.
Wargeyska “Daily Mail” ee ka soo baxa dalka Britain ayaa sheegay in ciidamada badda Portugal ay badbaadiyeen 22-ka qof ee shaqaalaha markabka, waxayna ku wareejiyeen doonyaha badbaadada.
Markabkan oo siday baabuur qaali ah sida Porsche iyo Volkswagen ayaa ku gubtay meel u dhow Azores oo ku taal bartamaha badweynta Atlantic.
Ciidamada badda Portugal ayaa bayaan ay soo saareen ku sheegay in markabka "Felicity Ace" uu ka dhawaajiyay qeylo dhaan ka dib markii uu dab ka kacay goobta sugitaanka. Waxa ay intaasi ku dartay in aan la ogeyn sababta ka dambeysay dabkaasi, waxaana maanta oo Khamiis ah mas’uuliyiinta Burtuqiisku ay sheegeen in markabka uu weli holcaayo.
Markabkan ayaa ka soo shiraacday dalka Jarmalka 10-kii bishan ee February, wuxuuna ku sii jeeday dekedda Davisville ee gobolka Rhode Island ee dalka Maraykanka, sida laga soo xigtay mareegaha internet-ka ee la socodka maraakiibta, markabkan oo qaadi kara ilaa 4,000 oo baabuur ayaa la filayey inuu yimaado. Davisville bisha Febraayo 23.
Markabka ayaa si joogto ah u qaada baabuurta Volkswagen, Lamborghini, Audi iyo Porsche.
Ciidamada badda Portugal ayaa sheegay in mid ka mid ah doonyahooda ilaalada ah iyo afar markab oo ganacsi ay gacan ka geysanayeen badbaadinta. Diyaaradaha Ciidanka Cirka ee Boortaqiiska ayaa sidoo kale loogu yeeray inay caawiyaan.
Ka dib markii la soo diray digniinta , roondo ay ka mid yihiin ciidamada badda Boortaqiiska oo ay la socdaan afar markab oo ganacsi oo kale oo aagga ku sugnaa ayaa u soo yaacay halkii uu yaalay markabka burburay.
Shaqaalihii markabka ayaa ka baxay oo fuulay doonyaha badbaadada.
Qof iska leh kanaal Youtube ayaa sheegay in uu iibsaday mid ka mid ah baabuurta Porsche ee saarnaa markabka gubanaya.
Waxa uu intaa ku daray in uu dalbaday gaadhiga bishii Ogosto ee ina dhaaftay, uuna aad ugu farxay in uu helo bisha February, balse waxa uu si jees-jees ah u sheegay in uu gaadhigani isu rogi doono biyo macmal ah.