WAXAAN HALKAAN IDIINKU SOO GUDBINAYAA GABAYO KA HADLAAYA JACEYLKA IYO WAXA UU YAHAY ,
GABAYGA UGU HOREEYA WAXAA UU NOQONADOONAA :
SAYNAB WAA HELIYEE
Gabaygaan jacaylka ah waxaa tiriyey abwaab aan magaciisu nasoo gaarin se ahaa nin jeceylka aad ugu xeel dheer sida gabaygiisa ka muuqata ee aad arki doonto waxa uu ku bilaabay sidatan ;
Saalaxoow adaa soconayoo qaatay salabkiiye
Salaama allayeeyow hadaad saaxil nabad gaadho
Sawd yar aan ku faro iiga gee saynab waa heliyee
Saqda dhexe habeenkii hurdada waa ka salalaa dheh
Soortana ma cunno aawadaa saa’im saan ahayn dheh
Saddax goorta aan qaado ayaan subax quraacdaa dheh
Waxaan sararo weynaa beryahan samay ka dhuubnaa dheh
Saraawiisha waa iga bateen igu sameysnaa dheh
Hadba aniga oo soconayaa sare u qaadaa dheh
Salaam qudha hadaad soo dirtoo , subax la ii keeno
Adiga oo ila fadhiya kama sokeyseen dheh
Gabayga ku xiga waxa lagu magacaabaa :
2. Samiroo dulqaado
Sidee daba aduun yadu
waa saacad qura oo
marbay kuu samaataa
marna way sir gaxantaa
siduu saadir kuu qaray
yay saani noqotaa
ruuxku siray ma fiinee
hasaluugin noloshoo
ha sahwiyin jecelke
samiroo dulqaado
samaantiyo xumaantuba
waa labo siraadoo
ruux kastaaba sugayoo
loo wada samays mee
Naftu saad kayeeshay
Hadba saad ka dhigatay
Dadku kuu sawirayaan
Adigaa jaceylkiyo jinigaba u yeertee
Adigaa jajuubkiyo jilibkaba samaystee
Adigaa jidkii iyo jihadii ka leexdee
ruuxku siray ma fiinee
hasaluugin noloshoo
ha sahwiyin jecelke
samiroo dulqaado
