Muuqaalo la soo duubay ayaa muujinaya burbur xooggan oo soo gaaray dhismayaal ka dhashay dhulgariir xooggan oo cabbirkiisu ahaa 7.8 oo ku dhuftay koonfurta Turkiga meel u dhow magaalada Gaziantep maanta, Isniin, sida ay sheegtay hay’adda sahaminta dhulka ee Mareykanka.
Dhul-gariirkii falceliskiisa wuxuu gaaray Suuriya, Lubnaan, Ciraaq iyo Masar.
Hayadda Gurmadka iyo Maareynta Musiibooyinka ee Turkiga ayaa sheegtay in dhulgariirku uu ku dhuftay gobolka Pazardik ee ku yaalla koonfurta gobolka Kahramanmaraş.
Dhul gariirkan ayaa socday ku dhawaad hal daqiiqo, waxaana uu sababay burburka dhismayaal badan, sida ay sheegeen dad goob joogayaal ah.
