Labaatan sano ayaa laga joogaa tan iyo markii uu dhammaaday xilligii xayeysiinta diyaaradaha supersonic, iyadoo Concorde ay markii ugu dambeysay ku degtay garoon diyaaradeed oo ku yaal koonfurta-galbeed ee England.
Hadda, waxaa jirta Destinos, shirkad cusub oo Yurub ah oo ku dhawaaqay diyaarad hypersonic, oo ballanqaaday waqtiyo duulimaad oo soo jiidasho leh sida Frankfurt ilaa Sydney 4 saacadood iyo 15 daqiiqo, ama Memphis (USA) ilaa Dubai 3 saacadood iyo 30 daqiiqo.
Dayuuradaha Destinos ee ku shaqeeya hydrogen-ka ayaa ku shaqeeya in ka badan shan jeer xawaraha codka, taasoo hoos u dhigaysa waqtiyada duulimaadka in ka yar rubuc safarka hawada ganacsiga ee hadda.
Mashruuca "Destinos" wuxuu bilaabmay 2021, laakiin wuxuu gaaray guulo degdeg ah, wuxuuna saldhigiisu yahay dalka Switzerland koox shaqaale ah oo ka kooban 120 oo ayaku baahsan Spain, France iyo Germany.
Labada nooc ee ugu horreeya ee mashruuca ayaa ku guulaystey duulimaadyo tijaabo ah waxayna ku dhow yihiin inay bilaabaan tijaabinta nooc saddexaad oo ku shaqeeya hydrogen, iyadoo duulimaadkeedii ugu horreeyay uu qordhaysanyahay dhamaadka sanadka.
shidaalka diyaaradaha
Shirkada Destinos waxay door biday shidaalka hydrogen ka Sababtoo ah waa il tamar nadiif ah oo dib loo cusboonaysiin karo, wax soo saarkeedu maaha mid qaali ah, awoodna u leh inay ka caawiso diyaaraduhu inay gaadhaan gaaraan xawaaraha ay rabaan
Hase yeeshee duulista ku shaqaynaysa Haydarojiin ayaa wali bilow ah, matoorada hydrogen jet-ka ayaan wali ganacsi ahaan loo isticmaalin, halka Airbus ay samaynayso matoor jet hydrogen ah oo ay sheegtay in ay tijaabada duulimaadka bilaabi doonto sanadka 2026-ka.
"Waxaan isku dayeynaa inaan masaafo aad u dheer la marno diyaaradaheena, taasina waxay la macno tahay inaan ka duulno Yurub ilaa Australia ilaa Mach 5 (Mach waa 1,235 kiiloomitir saacaddii)," agaasimaha Destinus ee horumarinta ganacsiga Martina Loveqvist ayaa u sheegtay CNN.
"Waxaan ula jeedaa isticmaal Kerosene waxay ka dhigan tahay in diyaaraddu ay noqon doonto mid aad u culus, halka hydrogen uu yahay mid aad u fudud marka la barbardhigo, iyo hydrogen ayaa sidoo kale ku jira tamar ka sareysa shidaalka caadiga ah.
naqshadaynta diyaaradaha
Qaabka caadiga ah ee diyaaradda ayaa la baaray sanado badan, Loveqvist ayaa leh, qaab aad waxtar u leh, sababtoo ah waxaad isticmaali kartaa shidaal yar si aad ugu duusho; Sababtoo ah iska caabbinta hawadu way yar tahay.
Waxa ay intaa ku dartay, “Diyaaraddani waa diyaarad aad u weyn.. Waxa ay le’eg tahay tii hore lafteeda, dhererkeeduna waa toban mitir, laakiin waxa ay ka culus tahay toban jeer, lagana yaabo in ay labaatan jeer ka sii adag tahay sidoo kale, marka la eego qaab-dhismeedka iyo habka kicinta. "
Dabcan, nooc kasta oo cusub, Destinos wuxuu uu hagaajiyaa naqshadeynta, hadda, kooxdu waxay filaysaa naqshadda kama dambaysta ah inay u ekaato mid ka duwan noocyada ay hadda tijaabinayso.
Shirkaddu waxay rajaynaysaa inay awood u yeelato inay soo saarto diyaarad yar, oo qaadi karta ilaa 25 rakaab ah, marka la gaadho 2030, taas oo yeelan doonta xoogaa xaddidaad ah marka loo eego baaxadda, waxayna diiradda saari doontaa gebi ahaanba macaamiisha heerka ganacsiga.
Iyadoo shirkaddu ay raadinayso inay samayso nooc diyaaradeed oo leh darajooyin kala duwan, oo ay ku jiraan dhaqaalaha, taas oo ku xidhan rajada shirkadu in qiimaha hydrogen uu hoos u dhac weyn ku yimaado wakhtigan.
